ISIS या नावाने ओळखल्या जाणाऱ्या इस्लामिक स्टेट या दहशतवादी संघटनेच्या दोन कथित सक्रिय सदस्यांना गुरुवारी कर्नाटकातून अटक करण्यात आली. जागतिक दहशतवादी संघटना देशात आपल्या कारवाया वाढवण्याच्या कटाच्या संदर्भात राज्यातील सहा ठिकाणी टाकलेल्या छाप्यांमध्ये राष्ट्रीय तपास संस्थेला (एनआयए) हे यश मिळाले आहे .
फेडरल अँटी टेरर एजन्सीच्या प्रवक्त्याने सांगितले की, कर्नाटकातील सहा ठिकाणी छापे टाकून उडुपी जिल्ह्यातील रेशान ताजुद्दीन शेख आणि शिवमोग्गा जिल्ह्यातील हुजैर फरहान बेग यांना अटक करण्यात आली आहे .प्रवक्त्याने दिलेल्या माहिती नुसार , हे प्रकरण इस्लामिक स्टेटच्या दहशतवादी कारवायांना पुढे नेण्यासाठी आणि देशाची एकता, सुरक्षा आणि सार्वभौमत्व धोक्यात आणण्यासाठी आरोपींनी रचलेल्या कटाशी संबंधित आहे.
तपासादरम्यान, आरोपी आणि संशयितांच्या घरातून डिजिटल उपकरणे आणि गुन्ह्यात त्यांचा सहभाग असल्याचे दस्तऐवज जप्त करण्यात आले आहेत , असे अधिकाऱ्याने सांगितले. या प्रकरणात यापूर्वी आणखी दोन आरोपींना अटक करण्यात आल्याने आतापर्यंत अटक करण्यात आलेल्या आरोपींची संख्या चार झाली असल्याचे प्रवक्त्याने माहिती देताना सांगितले.