रिलायन्स कंपनीचे मालक मुकेश अंबानी पुन्हा एकदा भारतातील सर्वात श्रीमंत व्यक्ती बनले आहेत. त्यानी सर्वाधिक संपत्तीच्या बाबतीत अदानी समूहाचे मालक गौतम अदानी यांना मागे टाकले आहे. फोर्ब्सने ही माहिती दिली आहे. गौतम अदानी यांच्या शेअर्समध्ये झालेल्या घसरणीमुळे त्यांची एकूण संपत्ती 83.9 अब्ज डॉलर झाली आहे.
तर दुसरीकडे, रिलायन्सचे मालक मुकेश अंबानी यांची एकूण संपत्ती आता 84.3 अब्ज डॉलर झाली आहे. फोर्ब्सनुसार, जगातील सर्वात श्रीमंत व्यक्तींच्या यादीत अदानी आता 10 व्या क्रमांकावर आहेत, तर अंबानी 9व्या क्रमांकावर आहेत. अहवालानुसार, गेल्या 24 तासांत अदानी यांना शेयर घसरणीमुळे नुकसान झाले आहे.
जगातील टॉप-10 श्रीमंतांची व्यक्ती व त्यांची संपत्ती :
1 ) बर्नार्ड अर्नाल्ट एकूण संपत्ती 214 अब्ज डॉलर
2 ) एलन मस्क एकूण संपत्ती 178.3 अब्ज डॉलर
3 ) जेफ बेजोस एकूण संपत्ती 126.3 अब्ज डॉलर
4 ) लैरी एलिसन एकूण संपत्ती 111.9 अब्ज डॉलर
5 ) वॉरेन बफे एकूण संपत्ती 108.5 अब्ज डॉलर
6 ) बिल गेट्स एकूण संपत्ती 104.5 अब्ज डॉलर
7 ) कार्लोस स्लिम हेलु एकूण संपत्ती 91.7 अब्ज डॉलर
8 ) लैरी पेज एकूण संपत्ती 85.8 अब्ज डॉलर
9 ) मुकेश अंबानी एकूण संपत्ती 84.3 अब्ज डॉलर
10 ) गौतम अदानी एकूण संपत्ती 83.9 अब्ज डॉलर