श्रीनगर UAPA न्यायालयाने बुधवारी बंदी घातलेली दहशतवादी संघटना हिजबुल मुजाहिद्दीनचा जिल्हा कमांडर दहशतवादी आमिर नबी वाघे उर्फ अबू कासिम याला 15 वर्षांच्या तुरुंगवासाची शिक्षा सुनावली. दहशतवाद अबू कासिम याला जम्मू-काश्मीर पोलिसांनी 31 मार्च 2017 रोजी अटक केली होती. स्टेट इन्व्हेस्टिगेशन एजन्सी (SIA) ने दहशतवादी अबू कासिम विरुद्ध गुन्हा नोंदवला, सखोल तपास आणि सर्व पुरावे गोळा केल्यानंतर UAPA कोर्टात आरोपपत्र दाखल केले गेले होते.
दहशतवादी आमिर हा हिजबुल मुजाहिद्दीनचा दहशतवादी बुरहान वानी याच्या जवळचा होता. दहशतवादी अबू कासिम हा हिजबुल मुजाहिद्दीनचा अनंतनाग जिल्हा कमांडर होता.
दहशतवादी याला UAPA न्यायालयाने बेकायदेशीर गतिविधी प्रतिबंधक कायद्याच्या कलम 20 अंतर्गत 6 वर्षांची शिक्षा सुनावली आहे. बंदी घातलेल्या आणि देशविरोधी संघटनेचा सदस्य असल्याच्या आधारावर त्याला शिक्षा सुनावण्यात आली आहे. याशिवाय त्याला भारतीय शस्त्रास्त्र कायद्याच्या कलम 7/25 अन्वये 6 वर्षे आणि राष्ट्रीय एकात्मतेच्या अखंडतेला हानी पोहोचवणाऱ्या फुटीरतावादी कारवायांमध्ये सहभागी होण्यासाठी बेकायदेशीर गतिविधी प्रतिबंधक कायद्याच्या कलम 13 अंतर्गत 3 वर्षांची शिक्षा सुनावण्यात आली आहे.