Airtel व Jio ने विविध शहरात 5G सेवा उपलब्ध करून दिली आहे. अनेक शहरांमध्ये तुम्ही 5G सेवेचा आनंद घेऊ शकता. पण, आता सरकारी टेलिकॉम कंपनी BSNL सुद्धा 5G सेवा सुरू करण्याच्या तयारीत आहे. बीएसएनएल कंपनी लवकरच 5G सेवा सुरू करणार आहे.
मीडिया रिपोर्ट्सनुसार, दूरसंचार मंत्री अश्विनी वैष्णव यांनी याची माहिती दिली . रिपोर्टमध्ये सांगण्यात आले आहे की, दूरसंचार मंत्र्यांनी BSNL 5G एप्रिल 2024 पर्यंत सुरु करण्याची घोषणा केली आहे. सध्या कंपनी 4G सेवा लॉन्चवर लक्ष केंद्रित केले आहे.
BSNL 4G नेटवर्क लाँच झाल्यानंतर एका वर्षाच्या आत ते 5G वर अपग्रेड केले जाईल. सध्या, कंपनी TCS आणि C-DOT च्या सहकार्याने 4G नेटवर्क लॉन्चवर काम करत आहे. अश्विनी वैष्णव यांच्या मते, BSNL 5G मार्च किंवा एप्रिल 2024 पासून उपलब्ध होईल.
नेटवर्क अपग्रेडेशनचे काम वेगाने सुरू असल्याचेही त्यांनी सांगितले. BSNL वेगावान 4G सेवा सुरू करणार आहे आणि 5G च्या बाबतीतही तेच होईल. ओडिशामध्ये एअरटेल आणि जिओ 5G सेवा प्रारंभ करताना त्यांनी ही माहिती दिली .
पुढील 2 वर्षात संपूर्ण ओडिशामध्ये BSNL 5G सेवा उपलब्ध होईल असा दावाही त्यांनी केला. 26 जानेवारीपासून राज्यात 5जी सेवा उपलब्ध होणार असल्याचे त्यांनी सांगितले होते. त्यांनी सांगितले कि आम्ही ऑक्टोबरमध्ये भारतात 5G सेवा सुरू केली होती. आता खाजगी टेलिकॉम कंपन्या अनेक शहरांमध्ये 5G सेवा देतात. परंतु, यासाठी तुमच्याकडे पात्र स्मार्टफोन आणि टेलिकॉम प्लॅन असणे आवश्यक आहे अशी माहिती देखील त्यांनी दिली .